شماره ۲۸ - رقیبْ دوستْ ره راهْ بَزوئه، وایی وایی

رقیبْ دوستْ ره راهْ بَزوئه، وایی وایی
نَدومّه راهِ چین بُوردهْ یا ختایی ۱

مه زَخْمینهْ دلْ ره که مَرْهَمْ وی دایی
سیرْندیمهْ دوستْ‌ره (که)، شونه وایی وایی ۲

اَندی شَرْ که خورْ تاونهْ بامدایی،
عراق و خراسُونْ تا خطِّ فرایی ۳

اندی که صفتْ کردمهْ دَشتِ ختایی
تیرْ زنّه مرهْ، دوستِ کَمنْ، دْ تایی ۴

دوستِ دْ کَمنْ سیُو اَفْعی رهْ مایی
یا اَژْدَرهْ که دَمْ به منْ هُونیایی ۵

یا آهوئه یا نافهْ مشکِ ختایی
یا چَشمه‌یِ خضرهْ، ظُلماتْ نمایی ۶