سوره فتح دعای نصر دعای توسل
عبارات مورد جستجو در ۲۵۹۸۲ گوهر پیدا شد:
امیر پازواری : دوبیتی‌ها
شمارهٔ ۱۹۲
برو به گوهر
بلبل به گل دورو گل به بلبل دوره
بلبل چه من، گل چه ته صاحب نوره
دعا برسن دوستِ کلاله موره
دل با ته نزدیکه، چیره ته جه دوره
امیر پازواری : دوبیتی‌ها
شمارهٔ ۱۹۵
برو به گوهر
من قلندروار شومّه سر دروازه
دریم (دلیم) سره، مسته چش آوازه
کرم هکن و برو سر دروازه
شاید دارِ خشک اَزْگه بیاره تازه
امیر پازواری : دوبیتی‌ها
شمارهٔ ۲۲۳
برو به گوهر
گوهر گلهْ دیمْ بنّه ته هماسّه لوئه
امیر گته کهه، ته گُو کزْا نَچُوئهْ
سی سالهْ بالْغمهْ، انتظارمهْ خُوئه
هلاگلهْ باغْ‌رهْ چنگْ (چَکْ) ندامه گُوئهْ
امیر پازواری : دوبیتی‌ها
شمارهٔ ۲۲۴
برو به گوهر
کَرهْ سنگهْ دَشتْ، چشمه دَرْ بیمُو لارهْ
مه دوستْ بَخرهْ، دیم بَکّنهْ انارهْ
هر کس که منه دوسِّ تما (طما) ره داره
یک تیرْ بَخرهْ، شصت و چهار سر داره
امیر پازواری : دوبیتی‌ها
شمارهٔ ۲۲۶
برو به گوهر
ستاره بلنْ بلنْ تری ستارهْ
به این بلنّی، هارش مه دوسْ دیاره
اگر خانی مه دوسْ چه نشونی دارهْ
صَدفْ دَنّون و نازْکهْ لُوشهْ دارهْ
امیر پازواری : دوبیتی‌ها
شمارهٔ ۲۲۷
برو به گوهر
امروزْ چَنْ روزهْ، مه بلبلْ نادیاره
وطنْ هاکردهْ، ملکِ خیرودْکناره
اون خیرودکنار، مه بازک شکاره
اُویِ خیره‌رو، مه یارْ رهْ سازْگاره
امیر پازواری : دوبیتی‌ها
شمارهٔ ۲۳۱
برو به گوهر
تعریفْ کمّه چَنْ چیزره چنون خجیره
بادْمِ چش و چاچی کَمُونْ خجیره
اُویِ زمزم، چاهِ زنخدون خجیره
یارْ داره کسی، بو قدردونْ خجیره
امیر پازواری : دوبیتی‌ها
شمارهٔ ۲۳۲
برو به گوهر
امیر گنه: گشتِ بدنْ جای حُوره
ونه میوه‌یِ بهشت بَچّینمْ دوره
دیرهْ شَرْ بدیمهْ سینه‌هایِ سُورهْ
سوُدَکْتْ منهْ دلْ رهْ، دونستمهْ نَورهْ
امیر پازواری : دوبیتی‌ها
شمارهٔ ۲۴۳
برو به گوهر
ته زلفْ ره خدا لامْ اَلفْ لا بساته
زینتْ بَکردهْ تَنْ رهْ طلا بساته
عَقیقِ یَمْن، دُرِّ یکتا بساته
دُرّ ره به میُونِ صَدفْ جا بساته
امیر پازواری : دوبیتی‌ها
شمارهٔ ۲۴۵
برو به گوهر
هر گاه که بُناگوش بَکشی کَمُون ته
هر روزْ صد وارْ، ونه بئوئمْ قربونْ ته
امیر گنه: حوری روشْ، مو میونْ ته
چه گنی سَرِ پلْ بَئیرمْ دامونْ ته
امیر پازواری : دوبیتی‌ها
شمارهٔ ۲۴۶
برو به گوهر
زلْفِ گلمْ که حَبَلُ الْمَتینِ یٰاره
هر نیمه هزارْ کشتهْ دَریته داره
کٰاکلْ اَژدها سُون آدمی بقْمارهْ
مجیکْ خدنگْ آسا، فتنه رهْ سَرْ داره
امیر پازواری : دوبیتی‌ها
شمارهٔ ۲۵۰
برو به گوهر
زمونهْ مره هَرْ دَمْ کشاکش گیره
گاهی به خشی، گاهی به ناخش گیره
امیر گنه: این‌کار به فلک خش گیره؟
منْ زندهْ بوئمْ، دوستْ لَحَدْ ره کَشْ گیره
امیر پازواری : دوبیتی‌ها
شمارهٔ ۲۵۷
برو به گوهر
امیر گنه: مه غنچه‌ی نوویهاری
دَپیتهْ گِل دلهْ مشکِ تتاری
زنگی به گِلِ سَرْ کنّهْ دادهْ داری
نهْلْنه، ته وَرْ کنمْ بیقراری
امیر پازواری : دوبیتی‌ها
شمارهٔ ۲۵۹
برو به گوهر
کَمنّه مشک و عنبر، عَرقْ گلویی
کَمُون برفه و مَستهْ چشْمونِ خویی
گوهر گله دیمْ، چیرهْ همه تَرْ بُویی
جان و سر و مالْ هَرْ سه کمّه گرویی
امیر پازواری : دوبیتی‌ها
شمارهٔ ۲۶۸
برو به گوهر
امیر گنه: هر کَسْ به دَنی دَوُویی
لازمْ کنّهْ ته خال و خطِّ وَرْگویی
سوگَندْ تنه خال رهْ، خَطِّ ماه نویی
شه جان ره فدا کمّهْ دوستِ هر مویی
امیر پازواری : دوبیتی‌ها
شمارهٔ ۲۷۶
برو به گوهر
ابْر رهْ دیمه شَمسْ ره دَپیتْ چادرْ خویشی
لَیْلْ ره دیمهْ باگِلْ ریجِنْ شهْ وَرْ کیشی
اُویی ظُلماتْ دیمهْ غزیره خویشی
همینْ گتْمه مه جانْ، مرهْ بَیتهْ پیشی
امیر پازواری : دوبیتی‌ها
شمارهٔ ۲۸۰
برو به گوهر
مه مَثل به اونْ یارْ بَوُوئنْ به خویشی
دکَتمهْ یک کَشْ چارهْ ندارهْ خویشی
مرهْ گننْ اینْ شَهرْ نَونهْ ته رویشی
گتمهْ هَر کَسِ کردارْ برایِ خویشی
امیر پازواری : دوبیتی‌ها
شمارهٔ ۲۸۷
برو به گوهر
یُوسف صفتْ چاهِ بنْ مأوا بساتی
زلیخا صفتْ دیده ره جا بساتی
صَنعُون صفتْ شیدای ترسا بساتی
القصّه مرهْ آوارهْ جا بساتی
امیر پازواری : دوبیتی‌ها
شمارهٔ ۲۸۸
برو به گوهر
اونْ روزِ اَزلْ که بنای دَنی بی،
شمس و قمرْ عالمْ ره بتّاونی بی،
پری، آدمی، کس به دَنی دَنی بی،
صد سال پیشتر ته عشقْ مه جا یکی بی
امیر پازواری : دوبیتی‌ها
شمارهٔ ۲۹۲
برو به گوهر
امیر گنه: این ره که دَنی بکاشتی
قرآنِ سماوی هَمه جا ره داشتی
آزَرْ صنمخانه رهْ به نورْ هداشتی
اُونْ محٰالْ منه عشقْ به ته جا برداشتی