سوره فتح دعای نصر دعای توسل
عبارات مورد جستجو در ۹۶۷۱ گوهر پیدا شد:
امیر پازواری : دوبیتی‌ها
شمارهٔ ۱۳۴
برو به گوهر
اشون باختمه، خود دیمه دَیْ بیامو
مشک و مشکه دون، بعد عنبر بیامو
آمل، [اشرف] انار، ساریِ سه بیامو
طلای خسرو، نقره‌ی خوم بیامو
امیر پازواری : دوبیتی‌ها
شمارهٔ ۱۴۱
برو به گوهر
گر دوست شه دست ره ته سر بما لنّی بو
اون هشت و چار نظر با تو بئی بو
دوست عرقْ اَر دَرگِلِه باغ شنّی بو
تموم گله باغ، گل و گلو بئی بو
امیر پازواری : دوبیتی‌ها
شمارهٔ ۱۴۶
برو به گوهر
چی بُولارجونْ، مازندرون بئی بو
کَرِه سنگه دشت چادرْ اَلْووُن بئی بو
سرچشمه‌یِ لار اینجه رَووُنْ بئی بو
دوسْ بورْکَمِنْ، مه سایبُونْ بئی بو
امیر پازواری : دوبیتی‌ها
شمارهٔ ۱۴۸
برو به گوهر
سیُو چِشْ، کَمونْ برفِهْ، مه لارِ آهو
امسالِ هوا، دشتِ سَرْچه دَری تو؟
من به میون بَنْ، کَشّمه زحمتِ تو
بروُ من و تو، هَردْ هیٰا بُوریمْ کو
امیر پازواری : دوبیتی‌ها
شمارهٔ ۱۵۱
برو به گوهر
خجیره کیجا، هیٰا هیٰا شُومّی کو
گندم به دِرُو، بینج بَنِشٰا شومّی کو
کره سنگه دشت، بارگیرمه خاطِر تو
اراده به کوه دارمه، نَشُومَهْ بی تو
امیر پازواری : دوبیتی‌ها
شمارهٔ ۱۵۲
برو به گوهر
امیر گنه: دشت پازوار خجیره
گشت پازوار، رو در بهار خجیره
بی‌ریشه ریکای زلفه‌دار، خجیره
چیت قلمکار بوته‌دار، خجیره
امیر پازواری : دوبیتی‌ها
شمارهٔ ۱۶۲
برو به گوهر
بلنده نفارْ نیشتمه ایروونه
زنگ چمرْ و سَرْوِنگ ساربونه
هر کسْ مشتلقْ بیاره مه جوُونه
کنارهْ نقره گیرمه شاهِ مردونه
امیر پازواری : دوبیتی‌ها
شمارهٔ ۱۷۳
برو به گوهر
اَمِلْ تش هیره (ایره)، نور و کجور بسوزه
لارجون تش هیره (ایره)، پلِ پلور بسوزه
ساری تش هیره (ایره)، تا سلم و تور بسوزه
آدم نانجیبِ پرِ گور بسوزه
امیر پازواری : دوبیتی‌ها
شمارهٔ ۱۷۷
برو به گوهر
امروز دشته سر، بدیمه شه کیجاره
اِزّالْ دَوِسِّهْ، دِساله گوکزاره
وِسِّهْ (واسِرْ) دَوِنِّهْ بندهْ پیوُنْ ورزارهْ
ناله بَزِنِمْ، دَشت وُ کوه وُ صحرارِهْ
امیر پازواری : دوبیتی‌ها
شمارهٔ ۱۸۱
برو به گوهر
ویهار درآمو، تی تی (شکوفه) بدیمه داره
فلک به زمین سی سر شکوفه باره
بلبل بسروئه، سر به پا، ئَیْری (هئیری) داره
خویِ مزه‌رِهْ اونْ دوّنه، یار نداره
امیر پازواری : دوبیتی‌ها
شمارهٔ ۱۸۶
برو به گوهر
کوک ره بدیمه، سروسّه جویباره
شاهین ونه ور لوزوئه که درآره
اون ویهار که باز بیمْ دریو کناره
تیرنگ به منه چنگ بی، گنجشک بیاره
امیر پازواری : دوبیتی‌ها
شمارهٔ ۱۹۱
برو به گوهر
ته چیره به خوبی، گلِ آتشینه
من شومه به آتش، اگر آتش اینه
دهون حلقه‌یِ میم و لو انگبینه
چرخِ فلک، ته خَرمنِ خوشه‌چینه
امیر پازواری : دوبیتی‌ها
شمارهٔ ۱۹۲
برو به گوهر
بلبل به گل دورو گل به بلبل دوره
بلبل چه من، گل چه ته صاحب نوره
دعا برسن دوستِ کلاله موره
دل با ته نزدیکه، چیره ته جه دوره
امیر پازواری : دوبیتی‌ها
شمارهٔ ۱۹۳
برو به گوهر
امروز سر راه بدیمه یک درْدونه
کمنّه کپل پشت دشنّیه شونه
اونچه که منه عقل و منه گمونه:
«سرخه گله که چادر دپیته شونه»
امیر پازواری : دوبیتی‌ها
شمارهٔ ۲۰۱
برو به گوهر
امیر گنه: گشت «لیته کُوه» خجیره
گشتِ «لیته کوهْ»، «پَرندهْ کُوهْ» خجیره
شاهْ موزی ینِ وارنگه بُو خجیره
پنج روزه ییلاقْ، هر کجه بو خجیره
امیر پازواری : دوبیتی‌ها
شمارهٔ ۲۰۳
برو به گوهر
امیر گنه: گشت کرْدمهْ تمومِ کوه ره
گشت بَکردْمه، تمومِ فیروزکوه ره
خوب جائه دماوند و زیستن ضروره
اَملْ خشهْ که کنهْ بهشتِ بُورْه
امیر پازواری : دوبیتی‌ها
شمارهٔ ۲۱۱
برو به گوهر
آهو نیمه که کَتمْ بچینم (بَئیرم) داره
کچیکْ نیمه که غرصه نَخرمْ یاره
آهو نیمه که شه بَچرمْ به لاره
بَپْته خَرْبزهْ، نصیبْ بیّه شاله
امیر پازواری : دوبیتی‌ها
شمارهٔ ۲۱۴
برو به گوهر
نَدوّمه که این قالبْ بساتن چیه؟
بساتنْ قالب، اَیی بَهْلُوتنْ چیه؟
بیُوردنْ به پیش وَ دَرْ نَواتنْ چیه؟
زمین بَزوئنْ وُ خاکْ بساتنْ چیه؟
امیر پازواری : دوبیتی‌ها
شمارهٔ ۲۱۸
برو به گوهر
گلْ ونهْ مره، بو کنهْته پَنّونه
سه ونه مره، گاز بزه ته دَنّونه
جنافه خشِ مال دَرهْ، مه دَندوُنه
این ره هاکن ته، مه یادگار بمونه
امیر پازواری : دوبیتی‌ها
شمارهٔ ۲۲۱
برو به گوهر
خجیره کیجا، ته جمه نارنجیه
ریکا بورده گیلونْ براجنّیهْ
بلنّهْ نفارْ دَسْتکْ هوا شنّیه
دماوندِ وٰا، ورهْ بَخُو شنّیهْ