سوره فتح دعای نصر دعای توسل
عبارات مورد جستجو در ۲۵۹۸۲ گوهر پیدا شد:
امیر پازواری : دوبیتی‌ها
شمارهٔ ۹۰
برو به گوهر
عهد بَکِرْدِمِهْ ته لُو شه بِنْ گُوم نَیِرِمْ
عَهدْ بکردمه ته نُوم رِهْ زِبُون نَیِرِمْ
نییمْ به سر راه، تنه دامُونْ نَیِرِمْ
بَمیرِمْ شه واسَر وُ تنه نُومْ نَیِرِمْ
امیر پازواری : دوبیتی‌ها
شمارهٔ ۹۳
برو به گوهر
من ته وَرْ عالمْ درد وُ واکْ بَچینِّمْ
ته مقبوله چِشْ بَوِرْدِهْ عَقل وُ دینِمْ
ته وَصف وُ ثنا گمّه، هر جا نشینِمْ
نفرین هِکِنْ تو بَکِتْ یاری گزینِمْ
امیر پازواری : دوبیتی‌ها
شمارهٔ ۹۴
برو به گوهر
امیر گنه: عاشقمه ته از زر و سیم
شه جان‌ره فدا کمّه ته، با زر و سیم
من عاشق اومّه که دچی به شه دیم
اونخال که خشه دیم دارمه، وسّه ته دیم
امیر پازواری : دوبیتی‌ها
شمارهٔ ۱۰۱
برو به گوهر
امیر گنه: ذاتِ بِلْبِلْ دارمه یارونْ!
گردشِ هوا، بویِ گِلْ دارمه یارونْ!
بساطِ دنی، کهنه چَلْ دارمه یارونْ!
دِشش امامِ عشقْ‌رِهْ دِلْ دارمه یارونْ!
امیر پازواری : دوبیتی‌ها
شمارهٔ ۱۰۲
برو به گوهر
مسافر راه کربلا مه یارون!
درمونده‌ی شه عشقِ آقامه یارون!
مجنون بیابون و صحرامه یارون!
محنتْ‌کَشِ اینْ کهنه دنیامه یارون!
امیر پازواری : دوبیتی‌ها
شمارهٔ ۱۱۱
برو به گوهر
مه دلْ با ته جٰا عهد هاکرد بی و پَیْمنْ
سر از تنْ جدا بُو، دیگر جا نَشیینْ
اُون محلّ که مه چش ره تو هاخنّی ونْ
اونْ مَحَلّ قَسمْ خرْمه، تنه سَرْ سُوگَنْ
امیر پازواری : دوبیتی‌ها
شمارهٔ ۱۱۲
برو به گوهر
قافْ، قَندهْ تنه لُو به هدیه دپاتنْ
گافْ، گیرمه ترهْ‌کَشْ، گلهْ دیمْ تنها تَنْ
لامْ، لُورهْ تنه هَنْته عقیقْ بسٰاتنْ
میم، من و تره دَرْ عالمْ نومْ بپاتنْ
امیر پازواری : دوبیتی‌ها
شمارهٔ ۱۱۸
برو به گوهر
امیر گنه: ته غمزه مرهْ مَصٰافنْ
ته قولُ و سخنْ هَرْدِ منه خلافنْ
مه سَرِ قلمْ ره گر کسی شکافنْ
ویننْ منه دلْ با تنه عشقْ دَرْ لافنْ
امیر پازواری : دوبیتی‌ها
شمارهٔ ۱۲۰
برو به گوهر
مه حاصله ته غمْ خردن و اندوتن
نه پیشوئه مه غَمْ به سَرِ غمْ دُوتنْ
ته مهره‌ورزی رهْ به شه جانْ آموتن
و یا که شه تن وُ سَرْ ره با جانْ سوتن
امیر پازواری : دوبیتی‌ها
شمارهٔ ۱۲۱
برو به گوهر
امیر گنه: تا مهرهْ‌ورزی آموتن
سی سال پیشتر مه تن تنه عشقْ سوتن
بسْ فتنوئه چاچی به دستْ، نوک اندوتن
الْکه منه سینه، نَشئهْ دوُتن
امیر پازواری : دوبیتی‌ها
شمارهٔ ۱۳۳
برو به گوهر
یگرنگِه دوستِ مهرورزی گریه می‌بو
یارکه د زبونه بهل که ایی بو
امیر گنه: مه جان اون کس فدی بو
ونه «نا» به نابوئه، «آری» آری بو
امیر پازواری : دوبیتی‌ها
شمارهٔ ۱۳۶
برو به گوهر
امیر گنه: اون ره نظرِ خدا بو
مه نازک دل ره عشق سر هو نیابو
منه دل شو و روز، روز و شو ته جا بو
مه دل که ته جا بو، دیگر جا کجٰا بو؟
امیر پازواری : دوبیتی‌ها
شمارهٔ ۱۴۷
برو به گوهر
چِلُویی دوسْ مه، هر دم چِلُو دَری تو
زرِ شیشه‌ره مونّی، گِلُودَری تو
اگر دونّم که قلم فرُو دری تو،
اونوخت اِمِّهْ من، اوّلِ خُودری تو
امیر پازواری : دوبیتی‌ها
شمارهٔ ۱۶۲
برو به گوهر
بلنده نفارْ نیشتمه ایروونه
زنگ چمرْ و سَرْوِنگ ساربونه
هر کسْ مشتلقْ بیاره مه جوُونه
کنارهْ نقره گیرمه شاهِ مردونه
امیر پازواری : دوبیتی‌ها
شمارهٔ ۱۶۷
برو به گوهر
ونهْ سر جُور بُورمْ، مرْ حال دَنیهْ
ونهْ سرجربیِمْ، مهْ یارْ دَنیهْ
ونهْ گلهْ باغ بُورمْ، هَفْ پشتْ تَلیهْ
اتّا پیرْ زنٰا نیشتهْ، منِ غمیِهْ (غَنّیهْ)
امیر پازواری : دوبیتی‌ها
شمارهٔ ۱۷۸
برو به گوهر
ته عشقه که عالم‌ره هکرده آگاه
ته عشقه که صنعونْ رِهْ بَورْدِهْ از راهْ
ته عشقه که یوسفْ‌رِهْ بداتَهِ (تَکِ) چاهْ
ته عشقه که مجنون‌رِهْ دینْگُورَهْ به راهْ
امیر پازواری : دوبیتی‌ها
شمارهٔ ۱۸۱
برو به گوهر
ویهار درآمو، تی تی (شکوفه) بدیمه داره
فلک به زمین سی سر شکوفه باره
بلبل بسروئه، سر به پا، ئَیْری (هئیری) داره
خویِ مزه‌رِهْ اونْ دوّنه، یار نداره
امیر پازواری : دوبیتی‌ها
شمارهٔ ۱۸۳
برو به گوهر
سربازمّه ته عشق، هرچی بونه بووئه
امیر گنه: هر کس به دنی دَوُنه،
واجب کنّه، ته خال و خطِ ور بوئه
سوگند به تنه تازه خط ماه نوئه
امیر پازواری : دوبیتی‌ها
شمارهٔ ۱۸۵
برو به گوهر
ونوشه که در بموئه نوویهاره
کس بوئه که سَرِ بو کردنْ نداره؟
یار اونْ یاره که، خاطر یار ره داره
گرجان طلبه، نانووئه، بسپاره
امیر پازواری : دوبیتی‌ها
شمارهٔ ۱۹۱
برو به گوهر
ته چیره به خوبی، گلِ آتشینه
من شومه به آتش، اگر آتش اینه
دهون حلقه‌یِ میم و لو انگبینه
چرخِ فلک، ته خَرمنِ خوشه‌چینه